🔏 मराठी बातमी🔏 राष्ट्रवादी काँग्रेसचा राष्ट्रीय पक्षाचा दर्जा रद्द , निवडणूक आयोगाचा मोठा निर्णय

आत्ताच हाती आलेल्या माहितीनुसार  राष्ट्रवादी काँग्रेस पक्षाची राष्ट्रीय पक्षाचा दर्जा काढून घेण्यात आला आहे. हा मोठा धक्का राष्ट्रवादी काँग्रेस पक्षाला बसला आहे. राष्ट्रवादीची सुरुवात कधी झाली तर राष्ट्रवादी काँग्रेसची स्थापना २० जून १९९९ साली झाली. पुढच्या वर्षभरात म्हणजेच १० जानेवारी २००० रोजी पक्षाला राष्ट्रीय पक्षाचा दर्जा मिळाला होता.

पक्षाने पुढची १३ वर्ष कसून मेहनत केली. लोकप्रतिनिधी निवडून आणण्यावर भर दिला. 

2014 नंतर देशात मोदी लाट आली.राष्ट्रवादी काँग्रेसचा व शरद पवारांचा करिश्मा देशात व महाराष्ट्रातही मोठ्या प्रमाणावर कमी झाला.

पुढची नऊ वर्ष पक्षाची कामगिरी डळमळीत होत गेली. २०१४ नंतरच्या कामगिरीमुळे तर पक्षाचा राष्ट्रीय दर्जा धोक्यात आला.

नागालँडचा परफॉर्मन्स लक्षात घेऊन सुद्धा राष्ट्रवादीचा राष्ट्रीय पक्षाचा दर्जा टिकत नाही, असं नमूद करत निवडणूक आयोगाने राष्ट्रवादीचा राष्ट्रीय पक्षाचा दर्जा काढून घेतला आहे.